Tu aayegi jab aayegi tab aayegi par tu aayegi

Tu aayegi jab aayegi tab aayegi par tu aayegi

Main dhundne nahi jaata usse

Mujhe pata jarurat nahi hai usse

Woh jab aayegi tab pata hoga mujhe

Chehre bina ruke muskaan hogi

Jahan jaise rango se khilega

Bollywood ka har ek romantic song background mein jarur bajega.

Bola na maine

Tu aayegi jab aayegi tab aayegi par tu aayegi

Waise mein mumbai ka rehne wala hun

Samundar kaa saath milne mein

Bahut naseeb wala hun

Jab bhi jaata  hun chowpatty pe..

Haan hum beaches ko chowpatty kehte hai

Toh jab bhi jaata hun  chowpaty pe

Jhoot nahi bolunga buraa toh lagta hai...

Chaar taraf umadta pyaar dekh kar thodi jalan toh hoti hai...

Par baadmein yeh sochke khush ho jaata hun ki 

Tu aayegi jab aayegi tab aayegi par tu aayegi

Phir kabhi kabhi ho jaata hu main thoda sa besbr

Mil leta hun 4 5 titliyon se tumhe khojne ki koshish mein

Phir samaj jaata hun tum titli nahi ho

Tum toh mere sapno se ubhri hui pari ho

Jiski ek jhalak se duniya bhar ki saari pareshaniyon ko  meri bhula deti Ho

Isiliye kehta hun

Tu aayegi jab aayegi tab aayegi par tu aayegi

Barsaat mein chai ki chuski lete hue akele hi terrace pe

Jab sochta hun agar tum hoti yahan toh mein kya karta

Mein tumhara haath pakadta aur humaare rishte ka izhaar jarur karta..

Tumhare gaalon par baarish ki motiyon ko jarur chumta

Aur phir seene se lagakar apni dhadkane jarur sunata aur kehta

Yaad hai main kehta tha

Ki

Tu aayegi jab aayegi tab aayegi par tu aayegi

• Omkaar