Kisi ne pucha mujhse ki mohabbat kya hai

Kisi ne pucha mujhse ki mohabbat kya hai

Maine kahan Mohabbat woh sab hai..

Jisse napa nahi jata par koshish jarur hoti hai

Jo mangne se nahi milti

Jo puchne par nahi jatayi jati

Jo batani nahi padti par khayalo mein jaroor rehti hai

Mohabbat garam chai mein apna wajood bhul apna ehsaas dilane wali mithas hai

Mohabbat unka haath thamne par mastishk pe rengne wali pasine niradhar boond hai..

Mohabbat

Dhadkan mein hone wali tezi ka saboot hai 

Kisi ne pucha mujhse ki mohabbat kya hai

Maine kahan Mohabbat woh sab hai..

Jisse napa nahi jata par koshish jarur hoti hai

Mohabbat kale shishe mein chipe huye palko par latkane wali mayusi ko pehchanna hai

Mohabbat haath par mardangi ke sile huye jhulm ko bina sawaal ke sambhalna hai

Mohabbat band ardhmare jhulfon ko prakriti ke azadi mein khol saans lena hai

Mohabbat woh sab hai jo milne ka goshna patra nahi hota 

Par koshish pe kiski manayi hai

Mohabbat gardan par madhosh saason se badan ka tapna hai 

Mohabbat nritya ban dhadkano ke taal par ek dusre mein samaana hai

Mohabbat woh ant hai

Jahan mrityu ko darwaje par dekh ruh ka bhabhakna hai

Par chehre par swarg prapt shantata hai 

Mohabbat woh sab hai

Jo kabhi naapi nahi jaati.. 

Par koshish jarur hoti hai 

- Omkaar