Sharing cab wali mohabbat hai...

Sharing cab wali mohabbat hai... Ola uber ya taxi mein milne wali yeh anjaani chahat hai

Aap kahoge yeh kya pagalpan hai Sach batao koi sundar si ladki aake baithe aapke bagal mein.. Yeh aapki bhi toh hasrat hai..

Yeh Sharing cab wali mohabbat hai

Yeh sahi hai... Woh rahegi aapke saath pure safar mein... Waise hi hua mere saath jab baje the aath aur hum atke the mumbai ke traffic aur bin badaal barsaat mein..

Kuch adhe ghante ke baad usne meri aur nazar daal di.. Aur yeh mumbai kitni mushkil hai yeh dhun pakad li..

Maine bhi samjhne ki koshish mein apne acting ki puri practise kar di thi

Kyunki Main mumbai ka hi hun...

Uski shikayatein maine toh bachpan mein chod di thi Pata chala indore ki hai woh yahan bank mein kaam karti hai... Mumbai mein 3 saal se hai par apne ghar ko kaafi miss karti hai.. Kya ajeeb baat hai main bhi anjaan hun aur woh bhi anjaani hai...

Yeh Sharing cab waali mohabbat hai ola Uska ab ho chuka tha usse bhi laga hoga yeh banda bhaut chup chaap tha.. Usne pucha mujhe mein kya karta hun Maine kahan full time actor hun aur part time likhta hun Actor bolte hi hai kuch jyada hi judgemental waali nazar padi thi.. Maine kahan theatre karta hun Kahi nahi dekha hoga aapne.. Meri manzil kaafi lambi thi.. Usne has diya actor wali baato ko jhat se ignore kar diya.. Kya likhte ho gaane afsaane ya kavitayein ya phir kahaniya Maine kahan juban ki baat dil tak pahuchata hun Bade kam shabdon mein bahut saari cheezein kehta hun... Kavitayein likhta hun aur kahaniya bhi... Bas dimaag ke saath chu jaani chahiye dil ko bhi... Ab baatein badh chuki hai meri nazar raasto pe pad chuki hai.. Ab traffic khul chuki hai.. Maine usse dekha uski boriyat khatam bhi huyi hai. Kya baat hai yeh sharing cab wali mohabbat hai

Mera ghar abhi aane waala tha.. Yeh safar ab idhar hi khatam hone wala tha... Main yeh kehne hi jaa raha tha... Ki usne pucha we should get back together sometime Mere dil mein bhi yahi khayal tha... Ab uska number mere paas tha Aur mera number uske saath tha Ab Ghar pahucha hun mein muskaan ek kinaare se dusre tak khich chuki hai.. Yeh sharing cab waali mohabbat hai..

• Omkaar